Gōng Chē Tài Guó Cān Tīng

Average restaurant.

非常垃圾，又貴又唔好食。個蝦最離譜收$168 得五隻蝦，仲要唔好食！唔怪得晚市人影都唔多個 ！！一定唔好去！！！伏伏伏伏！！！！

之前聽朋友話呢間泰國嘢幾好食，今次終於順路過嚟食喇 下午茶時段都幾抵食。 炭燒豬頸肉撈㩚$48 Badboy不嬲都好鍾意食撈檬，但好耐無食喇，加上天氣暑熱咁，食撈㩚就岩哂喇。個汁好好味，碟邊仲有辣醬俾你依照個人喜好去撈嚟食，第一次食辣嘅 串燒 豬＋雞$35 因為佢下午茶寫住q版撈㩚，未食飯嘅badboy驚佢真係好q版所以叫多咗個小食。 實際㩚粉量好多 串燒肉都幾大舊，開頭食嗰兩舊一般，口感比較實 另外上傳食物相上facebook instagram會免費送蝦片 泰式椰汁糕。蝦片好脆好有蝦味 椰汁糕甜度都岩岩好 呢度有個侍應好nice，服務態度好好 有親切感。

今日入咗元朗搵朋友，佢介紹我去哩間泰國餐廳 。我哋大約7點去到，好彩都仲有位。 餐廳十分整潔企理，闊落舒適，環境光猛，坐得非常舒服 。室內木色同綠色嘅配搭讓人感到放鬆，都可以算係我去過咁多間泰國餐廳數一數二舒適。 菜式種類多，花多眼亂，樣樣都想試，價錢都合理。最後我哋揀咗以下幾款： 1️⃣ 酸辣椰汁雞湯 $98 熱辣辣好䁔胃 。味道酸酸辣辣， 椰汁香甜，中間散發住清香嘅檸檬葉同香茅味，真係味蕾也感動 ，非常開胃。雞有雞味，份量亦多，目測起碼有成隻大雞 2️⃣ 馬拉盞炒通菜 $68 嚟到真係嚇咗一嚇，份量驚人，超大碟！馬拉盞非常惹味，味道香濃但唔會鹹。通菜都算幼嫩，食落唔會有根，好味 。 3️⃣ 泰式豬手 $88 賣相吸引，色香味俱全，見到都流口水 。豬手肉質嫩滑，一啲都唔嚡熠熠，皮厚軟稔，一啖放入口好滿足。醬汁香濃，甜甜哋似滷水味，亦帶有陣陣花椒八角 4️⃣ 椰青 $42 清爽消暑，為炎炎夏日添上清涼快感 。椰青水清甜甘香，椰子肉幼嫩，有得飲又有得食之餘，仲非常健康，可以話係泰國餐廳嘅首選飲品 。 5️⃣ 菠蘿冰 $28 朋友話清甜可口， 菠蘿味香，酸酸甜甜好醒胃！

二人套餐日間$148 -12款選2款 送白飯2碗，熱飲2杯。另外加錢轉特飲很超值。而晚上6點後$198。外賣全日$148 我們加$30轉泰式明爐烏頭魚 條魚好大條啖啖肉.芹菜香茅喬頭酸梅。味道帶微酸開胃清新！魚肉一點沒有腥味很出色 泰式豬手 皮Q彈肉質軟綿綿而且已經起骨只有肉.好有骨膠原感覺。甜甜咸梅菜鹵水香味道。 香葉辣椒肉碎噲飯 肉碎炒到乾身粒粒分明.香葉碎、豆角粒和辣椒粒配搭很惹味！奈何隻太陽蛋變了炸熟蛋失色扣分。 記得讚好上載圖片ig和fb送蝦片一碟。蝦片相當脆有蝦味！